講起漫畫，大家一定可以講出一兩部心目中嘅神作、記得埋個漫畫家叫咩名甚至佢嘅生平，但就好少人會記得個漫畫家係咩樣。但今晚要同大家介紹呢位「穂波あみ」就可能係例外，事關佢唔單止筆下畫風非常性感，就連佢本人都非常性感！

年齡不詳，只知道係6月11日出生，來自東京都嘅「穂波あみ」本來係一名普通OL，同時亦係一位憑住出色裝扮、色氣身材而享負盛名嘅Cosplayer，以及。不過佢嘅人生於去年年尾就有重大變化。首先就係佢宣佈辭去OL工作，將會以「ほみなみあ」之名，於集英社旗下嘅月刊漫畫雜誌《Ultra Jump》作為漫畫家出道，連載《義母の愛はママならないっ！》（繼母的愛總是毋功而返）；與此同時，又有雜誌邀請佢真人出鏡拍攝水著寫真，於是佢就順便寫真出道，成為少見嘅「寫真女星漫畫家」。

《義母の愛はママならないっ！》一作講述少年「正太郎」失去母親多年，某一日其監護人奶奶突然派咗個身材外貌乃至戰鬥力都極高嘅「弟子」黎做正太郎嘅「新媽媽」，結果二人就開始共同生活。而單從宣傳圖畫風你就知道作品係走「性感喜劇」路線。

而更性感嘅可能就係「穂波あみ」本人。就睇佢早前為《FLASH》拍攝嘅寫真，160cm身高配上34-23-36嘅葫蘆形身材，就算拍埋佢筆下嘅二次元角色都唔輸蝕。唔知各位鍾意佢嘅作品，定係佢本人多啲呢可？

IG：honamiami