「七瀬なな」呢個名雖然好常見，但今晚要介紹呢位「七瀬なな」就可能係當中最不「平」凡嘅一個，唔係因為佢曾經做過賽車女郎、亦唔係因為佢後來轉戰寫真界及戲劇界，而係因為佢有住被稱為「令和文化財產」嘅美Body。咁究竟係有幾正呢？接住落黎就帶大家睇下！

現年26歲嘅「七瀬なな」出身於日本福井縣。佢最早於2021年以「TRACY Queens」的身份於日本超級耐久系列賽短暫亮相，並成功吸引到PACIFIC CARGUY Racing車隊嘅汪意，於是翌年就被簽下成為賽車女郎「Pacific Fairies」嘅一員，同年年尾仲贏埋賽車女郎大賞嘅新人賞。2023年佢除咗繼續為「Pacific Fairies」效力，仲跨界踏足埋RISE格鬥舉牌女郎。2024年佢轉到TGR TEAMePer CERUMO車隊，同時亦曾為著名嘅「Evangelion Racing」擔任「真希波」一角，於賽車界可謂無人不識，亦被封為「令和最強賽車女郎」。

後來佢開始轉戰寫真界，憑住166cm身高、35-23-34嘅好身材吸引大眾，亦係由呢個時間開始，佢就被日媒稱為「令和文化財產」級好身材。2024年佢從賽車女郎引退，打算專心開發演員事業，好在佢仍然有拍寫真為Fans們派福利，大家先可以繼續欣賞呢副美Body——不過「文化財產」素來都係公有，我哋睇多兩眼都好應份啫？

IG：nn.nanase