嗰頭先講緊日本嘅「販賣JK」現象，轉個頭就見到呢個日本又出現一個新嘅出租女朋友服務，你話係咪好諷刺呢？

講真，「出租女友」喺日本就唔係啲咩新鮮事，早幾年就已經有新聞報過。當中都不外乎係話咩「日本男性好多冇拍過拖」、「為咗幫佢哋重拾自信、熱情，所以提 供呢個服務」聽落好似好有抱負咁呀可？今次介紹呢個仲要係叫「萌Date」，「萌」喎，話咁肯定係人畜冇害啦－－除非唔係。

……至於靚唔靚呢家嘢就各花入各眼啦！

「萌Date」以時間長短收費，最短為一個鐘(4500Yen，約280港紙)，其次係3個鐘(13550Yen，約850港紙)以及5個鐘(19500Yen，約1220港紙)。喺時段之內你可以帶個女仔做咩都得，但網站就堅持由男方計劃當日行程。佢哋話因為「為對方計劃美好行程」嘅壓力，有助增加真賽感之餘，仲可以令人更興奮喎。我就點睇都覺得有啲被虐狂啦。