{ SKIP }
文:MenClub 魏文青  
POSTED ON 06 Feb 2016
大家有冇養貓?有冇諗過點解佢食你嘅著你食瞓你嘅,但係當你想攬下佢嗰陣佢都仲會拋個鄙視眼光出黎?而最荒謬嘅就係點解我哋仲會覺得佢「好~打~意~呀?」呢?點解我哋會咁犯賤呢?我都唔明,我淨係知如果有個女仔生到好似隻貓咁我就真係會不能自拔--而我又真係搵到喎!


OK,嚴格上唔係我搵嘅,係台灣網民搵嘅!呢個名為「李優」嘅女仔,因為早前喺台北電玩展擔任ShowGirl而引起注目。但其實佢本身就已經係個小有名氣嘅模特兒黎架啦!畢業於台藝大視傳系嘅李優,以32E-23-33前凸後翹嘅好身材聞名於台灣網絡。而且有別於其他性感女仔,偏冷豔形嘅李優不特止受男性粉絲喜愛,連唔少女粉絲都拜倒在其石榴裙下!再加對貓眼(得啦得啦,我知佢有化妝),真係好想做佢嘅奴隸呀!


不過!佢就應該已經名花有主啦!因為根據台灣媒體報導,佢同台灣人氣男子組合「MP魔幻力量」嘅主唱「廷廷」就應該秘密蜜運中。話說上年8月李優喺Instagram上載一張食飯相,但有粉絲就認出相入面隻手係屬於廷廷,於是大家就開始「翻舊帳」。首先廷廷講過曾經以心儀對象為靈感寫咗一整隻碟嘅歌,而其中一句歌詞「會說故事的大眼睛」就被指係形容李優;另一邊廂一直都冇話自己係歌迷嘅李優就突然睇咗MP魔幻力量嘅演唱會,仲影相配埋「All you need is love」放上Instagram,之後仲要有人爆料影到兩人拖手行街(雖然只得個背影)。我唔知你信唔信,反正我就信了!


寫到呢到,文青已經酸到PH值跌破2,我冇辦法再寫落去啦!我都係繼續幻想自己被李優欺凌算啦。


圖片:

李優 on facebook

uriko1219 on instagram


日本AKB48及其姊妹團近年出現逃亡潮,唔少人都不約而同地離隊。有趣嘅係,唔少人離隊之後嘅第一個大動作,就係放低偶像包袱出性感寫真集。好似今晚要介紹呢位「山下エミリー」,就係又双叒叕一個例子! 舊寫真 ...
girls
【深夜】離團即出性感寫真 前HKT48「山下エミリー」
16 Mar 2025
雖然話日本仍然係香港人最鐘意旅行嘅地方,但相信大家都唔會否認日本文化嘅影響力早已不復以前嘅全盛期你對上一次睇日劇係幾時呀?但今日要介紹呢位新人演員「和内璃乃」,或者就可以吸引大家重投日劇嘅懷抱,唔單係 ...
girls
【深夜】壓倒性的美貌 日本新演員「和内璃乃」進軍水著
14 Mar 2025