心韓系列輕熟車模韓佳恩

文：MenClub 魏文青　　
POSTED ON 28 Apr 2016

唔知係咪個人年紀大咗，除咗繼續沉迷於年輕少女嘅青春活力，亦開始識得欣賞輕熟女姐姐嘅韻味－－請注意，係「輕」熟女。所謂「輕熟女」，就即係25~35嘅都市女性，特點就係既有少女嘅(剩餘)活力，但係又有姐姐嘅熟透身心靈。就好似呢位今年30歲嘅韓國車模韓佳恩咁，直頭係熟到透呀！

韓佳恩係一名韓國模特兒，百度話佢係1986年出世(即係今年30歲)，而佢個微博就話係1990年出世(即係26歲)。當初佢主要喺韓國嘅車展中擔任車模，亦有於afreeca(韓國網上直播平台)做主播。後來就得到大陸網民熱捧，於是2015年首次參加上海China Joy，正式進軍大陸市場。

身高168cm嘅韓佳恩除咗樣靚，身材亦相當唔錯，套用百度嘅描述係「天使面容魔鬼身材相結合」、「熱辣嫵媚又不失甜美清純」、「非常進取以及不介意行性感」以及「集清純、可愛、性感、優雅於一身極品車模」。至於係咪真係有吹到咁大啦喎，我唔直接答你，我用圖黎答你。

韓佳恩目前仲有喺大陸直播平台「鬥魚直播」擔任主播，而就憑佢喺微博上嘅留言，都知道佢好努力咁學緊普通話。不過大陸啲女主播最出名就係掛羊頭賣狗肉，唔知佢會唔會都「入鄉隨俗」埋一份呢？
gaeungbebe on instagram 韩佳恩 on weibo 한가은 on facebook