Ideapocket崩盤天海つばさ年內引退！

文：MenClub 魏文青　　
POSTED ON 03 Oct 2016

問題：希志、Rio、丘咲エミリ、立花はるみ、かすみ果穂呢幾個名有咩共通點？最基本嘅答案，係「佢哋都係AV女優」；叻啲嘅，會答得出佢哋都係片商Ideapocket旗下嘅女優；滿分嘅答案係，佢哋係Ideapocket旗下，而又已經引退或者宣佈引退嘅女優！而又當平時睇AV唔睇名嘅你都覺得呢幾個名熟口熟面，你就知佢哋都係大物女優——但近日呢條名單上又多咗一個人，佢就係目前嘅「Ideapocket一姐」天海つばさ(天海翼)！

喺Rio、希志等人引退之後，今年28歲、以「女王」形象獨當一面嘅天海つばさ就成為Ideapocket嘅一姐。早前佢迎黎出道7週年，Ideapocket仲幫佢拍咗兩隻週年紀念作品，雖然當中都有其他稍有知名度嘅女優都走哂、天海つばさ已經係最佳銷量保證嘅考慮在，但咁嘅待遇都可謂至高無尚。點知連第二隻作品都未出(10月19日)，天海つばさ就已經喺Twitte宣佈「唔會有第八年」，即係年內就會引退！
天海つばさ on Twitter
天海つばさ由廣島農村出身，自細就冇咩自信，就算當年主動去面試做AV女優，亦冇預計過真係會被選上。直到作品大受好評，佢內在嘅「女王」性格先慢慢浮現出黎。唔單止喺作品中以強勢角色為主，就連平時嘅活動、對答都一樣霸氣外露。但亦因為咁樣而吸引到一班固定影迷，成為形象鮮明嘅女優。

呢單嘢對於天海つばさ嘅Fans黎講就當然傷心，但就算你唔係佢嘅Fans，你都好應該擔心下Ideapocket嘅前景。因為唔計以上呢幾個，佢仲有「四希」之二嘅「希美」、「希島」轉咗會去另一個片商Attackers，最後一個「希崎」就轉咗去S1，另外仲有西原亜実、麻丘みゆう等唔夠一年就玩完嘅新人都已經引退。淨返落黎最紅嘅，可能已經係輝月あんり(仲有可能係因為我鍾意佢所以先覺得佢OK)，但Ideapocket嘅企劃亦唔見得有幾吸引。其他人例如榊梨々亜、桃乃木かな、百合咲うるみ、白川麻衣等等外形雖然唔錯，但都未能擔起大旗。簡單啲黎講，呢間老牌美少女廠商目前真係處於危急存亡之秋！睇黎都真係要一個救世主先得啦！