2000萬買隻豬港商人購入嫩模初夜

文：MenClub 魏文青　　
POSTED ON 30 Mar 2017

上年十一月有單新聞你哋未必有留意，就係來自羅馬尼亞嘅內衣模特兒Aleexandra Khefren自稱因為15歲時受《不道德的交易》啟發，加上屋企好窮，所以決定同伴遊網站合作，以100萬歐元(約840萬)售出自己嘅初夜。雖然印象就已經唔係同類事情發生，但依然都引起媒體報導，相傳亦令到佢嘅初夜價錢不停升高。而近日英國《太陽報》就指最終價錢已經定下：200萬英鎊(約1930萬港紙)，購入者仲係一個不知名嘅香港商人——係邊個！你同我出黎！我要封你做我偶像！
圖片: The Sun
上年接受訪問嘅時候Alexxandra已經表現得非常開放，佢話好多女仔將初夜畀咗鍾意嘅人，但最後咪又係分手，與其係咁佢就情願賣咗出去等自己有啲錢收返。佢仲話自己只係用做生意嘅角度黎睇成件事，絕對不帶有任何情感，「飲杯酒就頂到過去」，仲建議如果其他女仔真係走頭無路時可以試下。
圖片: The Sun、Dailymail
不過唔好以為呢2000萬都係Aleexandra袋哂，其中有20%其實係去咗負責安排嘅伴遊公司「Cinderalla Escorts」到。佢哋仲話自從Aleexandra事件見報之後，有超過300位來自世各地嘅處女都有意仿傚，絕對唔係單一事件咁話喎！
圖片: Cinderella Escorts
但相信大家最信知都係邊個香港富商出得起錢買起人哋隻豬，而《太陽報》最新嘅報導就引述Alexxandra指佢已經同嗰位神秘香港商人見過面，而且連酒店房都Book埋，仲話對方睇落幾友善添！出得起2000萬買隻「豬」嘅人應該唔多，睇落仲幾和善你又有冇諗起邊個？