杯麵對香港人黎講，大多係睇波、宵夜、或者懶到唔想煮、唔想落街買連外賣都唔想叫時嘅選擇；但對充滿危機感嘅日本人黎講，就更加多出一層「緊急糧食」嘅意義。所以日本日清最新就推出一個自動補貨嘅「杯麵求生包」，以確保屋企永遠都有啲緊急糧食存在。

截圖自日本日清官網

所謂「自動補貨杯麵求生包」，其實係一個月費服務。首先畀13,000Yen (約HK$950)，你就會獲得一個入面包含九個不同味道杯麵、Gas爐、Gas罐、水、煲、手套、三用求生燈嘅大箱，然後每隔三個月畀多2,000Yen (約HK$145) 佢就會送多九個自選味道杯麵去你屋企。個邏輯係每次新貨到達，你就可以食咗上一次補貨嘅杯面，屋企又永遠都會有九個新杯麵作緊急糧食。而且個箱有背帶可以揹上身，亦可以當櫈坐，有咩事擸起佢就走都非常方便。

截圖自日本日清官網

對香港人黎講，就應該冇咩走難嘅需要 (唔係香港唔會走難，係就算有難你都冇地方走)，但假若有人定時送杯麵黎唔使自己買，咁好似都幾方便呀？