講真，其實大家都明外面食嘅嘢，質素同衛生都未必有保證，只要你眼不見為淨，基本上都會照食不誤。但如果連餐廳工作嘅員工都話你聽，餐廳裡面有啲食物最好唔好點，咁你又會唔會乖乖聽話呢？其實坊間都有唔少關於快餐店嘅傳聞，係真定假，就冇人知。

但原來早前美國CNN就訪問過一間老麥分店經理，當時個經理就爆出喺老麥最好唔好點嘅食物，而家連其他老麥員工都跟住大踢爆！

呢位受美國CNN採訪嘅老麥經理之所以爆料，原因係佢對於老麥唔肯改善食物品質，搞到顧客流失感到相當失望，所以就想講出真相。究竟佢提及邊啲食物唔好點呢？一齊望望外國老麥係咩境況先！

麥樂雞
其實麥樂雞炸好 20 分鐘內一定要出售，如果唔係就唔新鮮。所以每次炸好都會用計時器計時 20 分鐘，不過就算計時器響咗，員工都會扮冇嘢咁繼續再計 20 分鐘，直到麥樂雞賣到出去為止。

Mc Cafe咖啡
老麥員工話Mc Cafe嘅咖啡機幾乎都唔會洗，公司都唔會教大家點清洗部機，所以裡面應該好污糟…… 

雞肉類食品
傳聞中老麥嘅雞都是由比較便宜嘅產地送嚟，收到嘅時候都係冷藏，要解凍後蒸一下先用得，不過解凍時會產生好多濃稠物，令隻雞好嘔心。

資料來源︰http://edition.cnn.com/2015/07/21/living/mcdonalds-secret-menu-revealed-feat/