作為一個超級死懶鬼，就連諗晚餐要食乜覺得好叉煩！如果你都係咁怕麻煩，又懶得煮飯，不如試吓呢個日本最近好Hit嘅終極懶人料理，聽講味道仲好好添！

日本翻譯家村井理子就製作出一道超方便嘅料理「擠擠燒(ぎゅうぎゅう焼き)」，只要將雪櫃裡面現有嘅食材切塊、淋上少少油再放入焗爐，就可以食得喇～由於佢製作方法勁簡單，仲可以洗少幾隻碗，所以好受懶人歡迎！

「擠擠燒」冇一定嘅食材限制，好似村井理子呢盤「擠擠燒」，就用咗香腸、芋頭、南瓜等食材，隨意切成一大塊，再淋上橄欖油，依照個人口味灑上鹽同埋胡椒，再放入焗爐就搞掂！