日本網友教路電飯煲整溫泉蛋

文：MenClub Mean娜　　圖：互聯網
POSTED ON 19 Jan 2016

唔少人都鍾意溫泉蛋嘅綿滑口感，不過要自己煮溫泉蛋，熱度嘅拿捏真係唔容易。太熱會煮熟粒蛋，唔夠熱粒蛋又太生。不過日本網友就教路，原來家下用電飯煲唔只可以煮飯同焗蛋糕，仲可以整溫泉蛋添！

有日本網友喺Twitter分享，只要喺電飯煲裡面加入熱水，然後直接將5-6隻蛋放入去(啱啱由雪櫃拎出嚟嘅蛋都冇問題)，再用保溫方式焗住啲蛋15-20分鐘，就可以簡單整出好靚嘅溫泉蛋！而且仲係任何電飯煲都可以輕易做到添！


於是好多日本網友都紛紛去試呢一招，雖然都有成功例子，但發現個個人case唔同，有啲人會出現粒蛋變得太熟或者太生嘅情況....


似乎要焗幾耐應該好睇個電飯煲型號喇...any肥，作為參考都無妨嘅，今晚一於試下啦！