薯條嘅食用方法真係層出不窮，沒有最好味，只有更好味！對於薯仔狂熱者Mean娜而言，薯仔點整都係咁好食，但經過切條油炸之後，其吸引力真係點都擋唔住，就算爆瘡爛面都忍唔到口！（吞口水…）

基本上薯條配茄汁已經夠晒正，但如果你食慣呢種味道，不如試吓其他新口味丫～韓國YouTuber就教路，4種令薯條加倍好味嘅特別方法，一齊睇過～

1.朱古力醬+煉奶 x 薯條

平時咸味薯條就食得多喇，甜味薯條唔知又點呢？可能同朱古力薯片差唔多感覺。

2.芝士+芝士粉+沙律醬 x 薯條

一睇就知呢個組合冇得輸！！！芝士喎！實勁好味啦！

3.蕃茄醬+芝士醬 x 薯條

頭先加芝士已經冇得輸，加埋蕃茄醬直頭屈晒機啦！不過唔知呢個組合味道會唔會太Pizza呢？