嚟緊4月2號MenClub有活動，會搞Latte Art & Coffee Cupping，對咖啡有興趣嘅巴打千祈唔好錯過！今日Mean娜就先嚟同大家講吓關於咖啡嘅話題啦。你知唔知道全世界最貴嘅咖啡係邊種？仲係貓屎咖啡？out喇你～其實係象屎咖啡就真！

貓屎咖啡係由印尼椰子貓（一種麝香貓）嘅糞便作為原料所生產嘅咖啡，而象屎咖啡都係同一道理，以大象嘅糞便作為原料去生產咖啡。

其實象屎咖啡係由一個旅居泰國嘅加拿大人Blake Dinkin所創立，靈感來自貓屎咖啡，由於佢知道貓屎咖啡其實係將麝香貓困喺籠，再強行餵佢哋食咖啡豆，先生產出咁珍貴嘅貓屎咖啡，佢覺得呢種方法太唔人道，所以Blake就想生產一種既環保，又唔傷害動物嘅特別咖啡，於是就諗到俗稱「象屎咖啡」嘅「黑象牙咖啡」（Black Ivory Coffee）。

Blake Dinkin同泰國北部嘅酒店合作，佢哋餵養20隻大象，然後讓佢哋自由自在咁活動，再從佢哋嘅糞便提煉出咖啡。

首先要人手採摘新鮮咖啡豆。