既然駐日小編北村さん返咗日本，咁一於又介紹吓日本有咩好食，等北村さん交返個試食報告先！日本東京吉祥寺一帶出名多嘢行多嘢食，其中有一間位於巷仔嘅小店，聽聞仲有日本人大讚︰「人生必食一次！」嘅意粉！係咪真係咁巴閉先？！

呢間傳說中嘅意粉餐廳叫「スパ吉」，地方雖然狹小，每次都入唔得多人，但佢長時間都Keep住大把人排隊等候，就算係閒日下午呢啲冷門時間，都會見到超過10人以上嘅人龍，加埋日本網友高度評價，「スパ吉」睇落真係有料到！

仲有以下呢個充滿海鮮風情嘅明太子、海膽、尤魚意粉。

不過講到招牌意粉，點都係肉醬意粉最受人歡迎，加埋粒溫泉蛋撈埋一齊食，真係睇到人流晒口水！

スパ吉
住址：東京都武蔵野市吉祥寺本町1-1-3
營業時間：11:00～23:00（不接受預約）
交通方式：JR吉祥寺站北口徒歩3分鐘