【如果.....】不打AC米蘭，皇馬將是傳奇後衛馬甸尼的首選

文：MenClub Mr.波特　　圖：互聯網
POSTED ON 23 May 2017


馬甸尼呢個名相信就算係岩岩睇波無耐嘅球迷都應該有聽過，話晒佢都係足球歷史上最偉大嘅後衛之一，係意甲球隊AC米蘭傳奇中嘅傳奇。

馬甸尼由10歲加入米蘭青訓，一直踢到41歲退役，成個球員生涯都係效力AC米蘭一支球隊，講忠心佢敢認第二，我諗無咩人敢認第一。

而近日呢位AC米蘭傳奇就被問到，如果當初唔踢米蘭，佢會想踢邊支球隊。對於呢個問題，馬甸尼就指除米蘭以外，西甲球隊皇馬將會係佢嘅首選。

馬甸尼又表示，皇馬一直係最似米蘭嘅球隊。

當年馬甸尼時代嘅米蘭，確實係同皇馬處於同級別嘅歐洲頂級豪門，而佢地陣中亦有好似魯爾嘅青訓傳奇。但可惜嘅係，近年米蘭因財困被迫賣走值錢嘅球星，而轉打青春班。皇馬宜家比人嘅感覺亦同米蘭好唔同，因為佢地宜家只會買星，當個位球星打唔出預期嘅表現，就會無情咁賣走佢。

馬甸尼一共為AC米蘭一隊效力左24年，期間最主要為球隊拎左7次意甲冠軍以及5次歐聯冠軍。