「型」對霧霾 RZ過濾面罩

文：MenClub 魏文青　　
POSTED ON 17 Jun 2017

文青有個朋友曾經喺北京做過一年嘢，因為見過鬼怕黑嘅關係，所以對於空氣質素相當關心，依家「回流」香港都仲會成日提我「呢啲空氣質素北京人都載口罩，你哋仲周街跑。」其實係人都知香港空氣差，但戴個口罩出街一來好誇張，途人真係會「為之側目」；二黎香港啲天氣咁翳焗，戴住口罩可能會生熱痱；三來亦係最重要嘅，啲口罩唔型呀嘛！

所以呢幾款RZ推出嘅「M-Series」口罩就可能係個好選擇。外表黎講首先佢就型過普通口罩好多，而且仲有M1同M2兩個款式黎應對唔同環境。M1係用氯丁橡膠製成、透氣之餘亦擋風，最適合平時使用；而M2就用排汗物料，就算係運動出汗都唔會焗住。而過濾方面就用上可以更換嘅F1活性炭濾芯，可以過濾0.1微米以上嘅污染物，仲除臭添。

一個要成29蚊美金(約225HKD)係就係貴啲，但RZ口罩係可以循環再用，入面嘅濾芯(賣11蚊美金)亦可以洗完再用8-10次，計落其實都唔貴。如果你對空氣質素好關注，或者長時間工作於高污染嘅環境中，甚至只係電單車司機，都不妨考慮下，Amazon有得賣。