今日國際足協宣佈馬體會較早前就轉會禁令進行嘅上訴失敗，這代表呢支西甲勁旅將會喺今夏同

明年冬天嘅轉會窗都唔可以買人。唔可以買人，代表馬體會一定要盡力留住一班球員，如果唔係

佢地被其他球隊買左嘅話，馬體會就唔可以補充球員，隨時面臨無人可用嘅情況。

而今季一直盛傳好大機會轉會至英超曼聯嘅法國球員基沙文，本來都有離心架啦，但係眼見馬體

會轉會禁令嘅上訴被駁回，覺得呢個時候離開實在太無道義，所以佢喺自己嘅Twitter上暗暗表明

心跡，上載一張自己穿起馬體會球衣嘅相片，再配上：「現在比任何時候都更 #馬體會 #團結」。

其實曼聯方面係可以繼績激活基沙文嘅1億歐元買斷條款，從而將佢帶到奧脫福球場，但係宜家嘅

情況曼聯都深知基沙文無意加盟，所以喺今夏收購佢嘅意欲已經大幅下跌。不過，咁樣並唔代表曼

聯對基沙文已經再無興趣，佢地仍然想喺未來得到呢位法國前鋒，但就可能需要等至明年夏天馬體會

嘅轉會禁令解除後先會再對其作出收購。

眼見未能得到基沙文，曼聯領隊摩連奴仍然需要收購前鋒，所以預計佢將會轉移目標向愛華頓前鋒

盧卡古出手，不過佢地都會面臨多支球隊嘅競爭，其中包括聯賽冠軍車路士。另外，皇馬後備射手

莫拉達都係可以考慮嘅人選之一，未知摩帥最終會屬意邊一位。