{ SKIP }
文:MenClub Mr.波特  圖:互聯網
POSTED ON 26 Jun 2017


勾手係籃球比賽入面得分嘅方法之一,呢個技術係非常需要出手球員嘅手感,因為佢同平時射波嘅動作好唔同,係要個人側身以單手方式出手。而喺勾手入面,「天勾」可以話係勾手嘅極致,而喺NBA歷史上就只有一位球員達到「天勾」嘅頂峰,佢就係湖人傳奇球員Kareem Abdul-Jabbar。




Jabbar嘅「天勾」絕對已經達到登峰造極嘅地步,喺內線基本上佢無論咩位置都可以以「天勾」出手得分。由於Jabbar本身身高達到7呎2吋,而加上佢嘅臂展配上「天勾」,基本上防守佢嘅球員都無咩機會可以封阻到佢嘅「天勾」,只可以眼白白睇住佢勾入。


如果你就咁睇Jabbar「天勾」嘅精華,你可能會覺得「天勾」真係好輕易,基本上例身對住防守球員輕輕一勾就可以得分。不過如果你有親身嘗試過使用「天勾」,你就會知道呢項技術用真係唔難,但係要達到好似Jabbar咁爐火純青就真係超級困難。



曾經NBA亦有唔少球員嘗試學習「天勾」,好似Dirk Nowitzki、Kobe Bryant等傳奇級嘅球員都曾經使用過,但係佢地都異口同聲咁表示要使用「天勾」至好似Jabbar咁出色,真係唔容易,根本個種出手感覺唔係你想有就有,就算不斷訓練都未必可以達到Jabbar個種境界。


正因為「天勾」極難掌握,所以如今嘅NBA呢個技術基本上都已經見唔到有球員用,頂多見到球員使用小勾手,咁樣其實就只係普通係籃底下嘅拋投,完全唔可以同「天勾」相提並論。而如果要數除Jabbar之外使用「天勾」最出色嘅,可能就係佢嘅隊友Magic Johnson,因為「魔術手」曾經喺總決賽上因Jabbar未能上陣,所以佢需要肩負埋佢嘅責任,最終Magic以一記「天勾」,成功為湖人帶黎總冠軍。


可能有唔少人都覺得「天勾」係一招好屈嘅招式,但係亦都有人覺得呢種技術係唔夠Man,因為佢避開左同對方嘅身體接觸,因此有部份球員因為咁無去練習呢種技術,再加上傳統中鋒日漸式微以及三分球嘅興起,所以「天勾」呢種技術就更加少人用,慢慢到宜家基本上都絕種了。



雖然「天勾」喺NBA可能真係絕種,但係如果你有喺街場打開波,咁你可能久唔久都會撞到一兩個「天勾阿伯」,佢地嘅「天勾」技術可能比Jabbar射程更遠同埋更加無解,因為佢地可以遠射至三分線外,準絕度亦都爆燈,所以就算你想守佢你都完全無能為力。唔知你又有無咁好彩撞過佢地呢?


Christopher Nolan嘅下一部大作《Odyssey》星光熠熠,單單係Matt Damon、Tom Holland、Anne Hathaway、Zendaya等演員名單就已經夠吸引大家入場。但除咗電影公佈嘅首張劇照確認Matt Damon會出演主角奧德修斯(Odysseu ...
hobby
【影視】Nolan《Odyssey》角色名單曝露 荷蘭仔、麥迪文演父子 Zendaya飾雅典娜
17 Mar 2025
Amazon及MGM早前從Eon Productions手上買下《James Bond》系列創作權之後,唔少人都擔心呢個代表英國嘅著名IP會被為利是圖嘅大企業玩爛,又或者被強行「覺醒」,特別係Amazon早前推出嘅《Power of Rings》更可謂前車 ...
hobby
【影視】Amazon指新James Bond仍是英藉、男性 Idris Elba接任有望?
17 Mar 2025