{ SKIP }
文:MenClub Mr.波特  圖:互聯網
POSTED ON 14 Jun 2017


拳擊運動近年喺香港因為曹星如呢位「神奇小子」拳拳到肉而又每戰每勝下開始為人所關注,而相接近嘅運動好似泰拳咁亦都越黎越多香港人參加。而日前香港本地泰拳拳手黃兆恆(Jason Wong)就代表香港,受邀到泰國參加一項當地頗受歡迎嘅泰拳賽事「MX拳賽」。




作為2009年中國泰拳公開賽全國季軍嘅Jason,今次受邀參加嘅「MX拳賽」係佢一向打開嘅泰拳變種,因為為左增加比賽刺激性,賽事主張不斷攻擊嘅打法,禁止拳手停落黎做跳躍或者任何舞蹈動作,否則就會被扣分,同樣如果拳手唔向前進攻只向後退嘅話,則同樣會被扣分,所以大家可以睇到兩位對打拳手會不斷迫向對方進行攻擊,勢要打低對手否則唔會停止進攻。


32歲嘅Jason喺香港有史以黎第一位被賽事方邀請嘅香港拳手,而今次佢就獲安排同泰國當地拳手Den Sasiprapa進行三回合嘅對戰,後者現年只有17歲,較Jason年輕18歲可謂年輕力壯,體能上可能會佔優。不過睇番雙方戰續,Jason曾進行16場比賽,成績13勝3負,而Den則22戰,只取得12勝1和9負,所以Jason喺戰績上則完全佔優。


不過當雙方真係埋牙嘅時候,大家嘅表現都相當接近,雙方互有攻守下各自有中到對方嘅重拳。本來第一回合大家都係五十五十,但係第二回合Jason卻中左對方嘅連環拳同批肘,隨即佢嘅左眼角破裂,血不斷流出黎。雖然受傷,但係Jason無放棄,輕輕止左血之後繼續比賽,但係可以睇到對手之後嘅攻擊都係瞄住佢受傷嘅位置出拳,所以好快佢嘅受口再次大量流血。



進入第三回合,繼續左眼角流血嘅Jason變得更加進取,拳頭亦好似比之前更重。而喺賽事末段雙方進入搏拳階段,Jason雖然已經血流披面,但係最終以一記右直拳重重咁打喺Den嘅面上,呢一拳將對手嘅牙套都打到飛出黎,而對方亦即時倒地,並可以見到佢當時明顯已經暈得一陣陣。就喺裁判數秒後Den都係未能企番起身,所以Jason被判成功擊倒對手,獲得今場比賽嘅勝利。



雖然被打爆眼角,但係能夠KO對手Jason亦相當高興,因為佢覺得自己無丟到香港人嘅架,成功為港爭光。賽後,Jason嘅眼角縫左6針,作為香港人能夠出到咁強嘅選手實在值得驕傲!






由Todd Philips執導、Joaquin Phoenix及Lady Gaga主演嘅《Joker: Folie Deux(小丑:雙瘋)》上周五在北美正式開畫,首周未三日僅收4,000萬美元票房遜預期,不及前作開畫成績二分之一。而口碑方面亦相當麻麻,其中 ...
hobby
【影視】《小丑:雙瘋》北美開畫票房遜預期!CinemaScore僅獲D級評分成最差漫改電影
07 Oct 2024
憑出演《Euphoria》一炮而紅嘅Sydney Sweeney近年極速上位,接戲接到冇停手,更被封為新世代性感女神,隨住人氣上升,佢亦成為狗仔隊嘅跟拍對象。最近Sydney Sweeney接受訪問時就大呻,狗仔隊已經跟到去佢屋企,甚至 ...
hobby
【影視】Sydney Sweeney在家被狗仔隊騷擾 屋外大喊:你著Bikini出嚟俾我影咪走囉
04 Oct 2024