{ SKIP }
文:MenClub Mr.波特  圖:互聯網
POSTED ON 22 Jun 2017


「閃電俠」Dwyane Wade去年夏天因為母會熱火唔願意為佢開出大合同,所以無奈之下佢只能選擇離開,到家鄉芝加哥加盟公牛隊,並簽約兩年,第二年為球員選項。而喺公牛效力嘅第一個球季,雖然球隊曾經經歷大起大跌,最終Wade還是助球隊打入季後賽,只可惜核心球員Rajon Rondo不幸受傷,最終公牛被東岸一哥塞爾特人逆轉淘汰出局。



喺公牛經歷嘅第一個球季,Wade唔算得上好成功,但係亦都唔可以話唔成功,而最重要嘅係究竟佢喺呢個地方過得高唔高興。而進入休賽期後,Wade面臨一個重要嘅選擇,因為佢需要決定究竟執唔執行公牛第二年嘅合同,如果執行其年薪將為2380萬美元,如果唔執行佢就會跳出合同,喺自由球員市場尋找一份新合同。


現年35歲嘅Wade被認為喺Kobe Bryant後最好嘅分衛之一,佢曾經為熱火拎過三次總冠軍,其中包括2006年成為總決賽MVP。可惜嘅係,Wade近年因傷表現下滑,亦唔可以好穩定咁上陣,所以去年熱火就唔願意喺佢身上投放太多資源,就係咁呢位熱火本來嘅隊魂就被迫離隊他投。


對於今次選擇執行球員選項,Wade表示:「有2400萬個理由。」另外,Wade又表示:「我喺35歲場均上陣29分鐘,取得18.3分,投射命中率43%。如果我25歲取得以上嘅數據,我必定會獲得1.5億美元的合同。」從以上Wade所發出嘅言論,可以睇到佢對於自己感到些少無奈。


決定執行2380萬美元球員選項嘅Wade,呢個年薪將會係佢球員生涯最高嘅一次,而此次最高年薪嘅一年係岩岩一季,年薪為2320萬美元。雖然睇落好似好多咁,但係相比起LeBron James岩岩一年達3096萬美元嘅年薪都係有著唔少差距。但係其實Wade生涯本身有兩次機會可以簽下頂薪合同,但係最終都係為左球隊而犧牲自己嘅收入。


Wade生涯4次簽約情況:
1、2003年8月簽下3年850萬美元新秀合同,第4年為380萬美元球隊選項。


2、2006年7月同熱火續約一份3+1合同,第4年為球員選項。雖然今次Wade以頂薪續約,但因為續約合同只有4年而唔係5年,所以並唔算係最大頂薪,而呢份4年合同嘅總價值其實就只有6200萬美元,平均年薪為1550萬美元。


3、2010年7月再次與熱火續約,但為了騰出薪酬空間,Wade只簽下一份6年價值1.075億美元合同,平均年薪就只有1791萬美元,而第5及第6年則為球員選項。


4、2016年7月轉投公牛,同呢支家鄉球隊簽下一份兩年價值4700萬美元合同,平均年薪為2350萬美元,第二年為球員選項,係佢生涯平均年薪最高嘅一份合同。



能夠獲得Wade留隊,這算是公牛一大好消息,因為Wade作為總冠軍嘅機會係相當具價值的,而留住佢將進一步可以保住今年季後賽漸見出色嘅三巨頭陣容,如果公牛能夠同時留住三人,咁樣相信佢地將有力打出比上季更好嘅成績。


如果你用IG用得夠多,或者有機會睇過一位美國「爺爺級」法官判案嘅影片。而呢位為人非常友善溫暖、有時甚至會因為想畀犯人改過機會而主動撤告嘅法官,其實叫做「Frank Caprio」。而近日其家人於社交網站上宣佈,呢位 ...
hobby
【R.I.P】享年88歲 美國「最善良法官」Frank Caprio離世
21 Aug 2025
如果話呢個世界上有一個人,佢唔做嘢係正常、做嘢先算係新聞的話,咁呢個人好可能就係《Hunter X Hunter》嘅創作者,人稱「富奸」嘅「冨樫義博」而咁多位,我哋有新聞啦!「富奸」事隔足足8個月終於又開始工作啦! ...
hobby
【動漫】距離古拿比加落船又近一步!冨樫時隔8個月再次開始作畫
21 Aug 2025