無論籃球定足球定係其他運動都好，想要成為最頂級嘅球員，除左你要擁有出色嘅球技之外，保持身體健康以及完美身型都絕對係當中最重要嘅一環。睇番當今最出色嘅足球員之一皇馬嘅C朗拿度，佢擁有絕對係一眾男士夢寐以求嘅身型，係一副足以令女士流晒口水超級完美嘅身驅。

1、首先你要訓練自己嘅精神力，因為你嘅精神力足夠高嘅話，將可以令你完成目標時事半功倍。

2、要有紀律，保持你日常生活有足夠動力係關鍵之一，對於我黎講我沒有一刻空閒，我對自己非常嚴格。

3、定下你自己嘅目標，咁樣你將可以保持你嘅專注，同埋會令你有向前嘅動力。

4、擁有你嘅訓練夥伴，因為咁樣將會有競爭性去推動你自己。如果你訓練時有同自己接近嘅朋友，咁樣雙方都會推動對方。

5、充足嘅睡眠將對訓練有幫助。我每天都係早睡早起的，特別係聽日有比賽。睡眠可有助肌肉修復，呢樣係非常重要的。

6、足夠嘅熱身可有助防止受傷，喺訓練入面，我地都會先跑數圈，又會做伸展同帶氧熱身。確保你喺訓練中做類似嘅熱身，即使係慢步跑又或踏單車都可以。

7、我建議做一啲複合性嘅訓練，好似跑步或划艇加上重量訓練，以確保訓練可以覆蓋身體所有位置，令身體各個部位都可以獲得加強，咁樣亦都同時可以增加訓練時嘅趣味性。

8、高強度嘅訓練可有助加強血液流動同埋增強體能。我們在訓練入面會有大量衝刺訓練，呢種訓練無論喺健身室或戶外都可以嘗試。

9、Cardio訓練亦都係增強體能嘅一個關鍵，嘗試做30分鐘，當你變強之後，就可以增加訓練嘅次數。

10、無論咩時間都可以做訓練，當你早上起床或睡覺前都可以喺睡房入面做訓練，當訓練成為習慣時，佢就會變得相對容易得多。

11、好嘅訓練要配合好嘅飲食習慣，我會食豐富蛋白質嘅餐單，又會食好多全脂碳水化合物、水果、蔬菜，同時要避免高糖份食物。我好鍾意食魚，而我喺餐廳我會食牛排配沙律。

12、確保你身體保持足夠水份，飲水對身體非常重要，而同時我會避免酒精。

13、進食要有規律。如果你定期進行訓練，咁你就要保持身體擁有足夠能量，咁樣你先會有好嘅表現。我不時會每天食6小餐，咁樣可以確保我每段訓練都有足夠能量。

14、我會經常確保自己有美妙嘅音樂可以聽，因為咁樣可以令你分別出黎，又可以令你有動力去交出最好嘅表現。我鍾意聽hip hop音樂的。

15、放鬆。技術訓練及體能訓練都好重要，但擁有好嘅生活態度將可以令你無論喺身體及心理上發揮得更好。我會將我嘅私人時間比我嘅家庭及朋友，因為咁樣可以令我感到放鬆，令我保持正面嘅心態。