{ SKIP }
文:MenClub 波特先生  圖:互聯網
POSTED ON 11 Oct 2017

喺今年8月已經舉行左嘅2017年世界田徑錦標賽賽前,牙買加「閃電」保特已經宣佈呢個賽事將會喺佢跑手生涯最後一個比賽,賽事完結後佢就會正式退役。退役對於現年31歲嘅保特黎講其實係迫於無耐,因為佢自身有唔少傷患,已經難以繼續保持往日無敵的表現。最終,保特喺佢最強項目100米賽事中只奪得一面銅牌,而喺4x100米入面作為最後一棒嘅佢更受傷收場,實在令人不敢感到可惜。

雖然保特嘅謝幕賽事並唔完美,但係亦無阻佢跑手生涯嘅成功,呢位牙買加跑手可以話係田徑史上最出色嘅短跑選手,佢多次刷新世界紀錄,又喺奧運等唔同嘅大賽獲得大量金牌,佢嘅成就其實已經同籃球界嘅Michael Jordan、網球界嘅費達拿等傳奇達到一樣嘅高度。

保特喺田徑場嘅成就確實已經係傳奇級別,但可惜田徑並唔係一樣好搵錢嘅運動,正常跑手嘅收入完全唔可以同籃球、足球、網球等嘅球員相提並論,就算最出名嘅黃金田徑聯賽或鑽石田徑聯賽,聽個名就好似好勁,但係實際選手嘅收入都唔係好多,呢個講緊嘅係就算保特呢種冠軍級夠都係一樣。
以世錦賽為例,奪得一面金牌可以獲得4.65萬鎊,銀牌則可以獲得2.3鎊,成功打破世界紀錄則可以額外獲得7.75萬鎊。而保特喺自己嘅跑手生涯入面,一共喺世錦賽奪得11金、1銀,並且打破兩項個人賽及2項接力賽嘅世界紀錄,因此佢總共獲得72.825萬鎊嘅獎金,但係要記住呢個講緊嘅係12年時間。

72萬鎊對於我地呢啲普通人黎講梗係多啦,但係對於呢啲世界級運動員就真係唔多,好似今夏轉會巴黎聖日耳門嘅尼馬其週薪就達到51.5萬鎊週薪,因此相比起保特12年先賺到72萬鎊,人地尼馬兩個星期已經超過左佢。

不過你又唔使擔心保特,因為佢嘅主要收入並唔係依靠賽事獎金,而係主要靠廣告代言及每次比賽嘅出場費。作位最高級別嘅選手,保特嘅出場費達到27萬鎊,如果以100米為例,其實簡單啲黎睇係10秒以內嘅事(複雜啲睇當然要睇埋佢有初賽、複賽及熱身時間),所以保特係只用10秒就賺到27萬鎊,除番開佢1秒係搵到2.7萬鎊,亦即係超過20萬港紙。

如果再將保特10秒賺27萬鎊換轉成足球員用嘅週薪(以每日工作8小時計算),保特嘅週薪係超過54億鎊,就算C朗同美斯都差好遠。咁當然條數其實係無得咁計,不過亦都可以反映出保特嘅出場費其實真係相當高的!

Netflix真人版《ONE PIECE》第二季開拍在即,官方今日率先公布首批演員名單,4位都係秘密犯罪組織「巴洛克公作社」嘅成員,大家覺得似唔似呢? blockquote class="twitter-tweet"p lang="en" dir="ltr"Out from ...
hobby
【影視】真人版《ONE PIECE》第二季公布首批演員名單
26 Jun 2024
由James Gunn操刀嘅新DC宇宙首部作品《Superman:Legacy》,繼早前公布「超人」首張造型照後,近日網路上就流出多張片場照,揭露David Corenswet超人戰衣完整樣貌,唔少網民都認為塑膠感太重,大家又點睇呢? ...
hobby
【影視】《Superman:Legacy》片場照曝光 新超人戰服引熱議
26 Jun 2024