【受傷又如何？】「火箭」奧蘇利雲極速奪冠！

文：MenClub 波特先生　　圖：互聯網
POSTED ON 23 Oct 2017

較早前有消息指，前世界一哥「火箭」奧蘇利雲正參加英格蘭公開賽，而有腳傷在身嘅佢喺比賽第一圈著左一對藍色嘅波鞋，大會對此作出了警告。不過其後「火箭」向賽會作出申請，而賽會亦批准佢著波鞋，但就一定要係黑色，「火箭」其後亦願意配合。

有腳傷在身嘅奧蘇利雲，以為佢隨時可能因傷患困擾而退傷，但係一路落黎佢表現神勇，最終成功殺入賽事決賽，對手為同為英格蘭嘅球手現年25歲嘅Kyren Wilson。雖然對手係後生過自己16年，但係奧蘇利雲無有怕，完全以經驗及技術壓倒對手。

最終，「火箭」以佢一貫嘅極速打法，成場比賽用左唔夠3個鐘就以局數9：2大勝對手取下賽事冠軍，其中喺最後兩局「火箭」更分別打出一Q 127度及132度，以助佢奪得生涯第29個排名賽冠軍。


今場決賽，奧蘇利雲Pot波成功率達到98％，喺騎數領先3：2嘅情況下，一口氣連贏6局，對手後段已經毫無還手之力，最終呢位老將成功鎖定冠軍。

「火箭」其實現年已經41歲，但係佢嘅技術已經登峰造極，佢亦明確表示宜家好享受同年輕球員比賽，對於自己能夠再次奪冠佢亦感到好開心，要知道佢就係最會批評自己的一個人，但係今次比賽佢自問狀態極好。