如古天奴1月被賣，高普承諾收入將全部用來增兵

文：MenClub 波特先生　　圖：互聯網
POSTED ON 31 Oct 2017

巴塞隆拿對於利物浦巴西攻擊球員古天奴嘅追逐至今仍然沒有停止，佢地有意喺黎緊1月嘅冬季轉會再次出手，而開出嘅轉會費更高達1.3億鎊，對於呢個報價利物浦高層已經動搖，並有傳佢地已經通知領隊高普，隨時做好古天奴離隊嘅準備。

最新嘅消息指，巴塞將幾乎肯定喺1月出手收購古天奴，雖然此前一直盛傳利物浦無論點樣都唔會放人，但係球隊高層眼見轉會費驚人，因此難以拒絕，所以佢地目前嘅取態都係會放人的。當然巴塞方面其實都需要同其他球隊競爭，其中包括法甲豪門巴黎聖日耳門。而領隊高普無論幾唔願意，對於球員轉會都係無任何議價餘地，佢嘅工作只係用手頭上嘅球員去準備比賽。

利物浦雖然好大機會唔理會高普嘅反對賣掉古天奴，但係球隊承諾將會把賣獲得嘅收入比晒高普黎增兵，而高普亦表示將100％用掉所獲得嘅收入，以增強球隊實力。

修咸頓後衛雲迪積克係佢嘅頭號收購目標，預計佢可能要花費高普7000萬鎊，而餘下嘅則要用黎搵古天奴嘅替身，但係要達到古天奴級數嘅相信都難以只係用6000萬鎊就可以得到，因此失去古天奴嘅利物浦進攻方面將會大打折扣。