{ SKIP }
文:MenClub 波特先生  圖:互聯網
POSTED ON 31 Oct 2017

今年夏天,曼聯將前隊長朗尼送回母會愛華頓後,領隊摩連奴就將隊長一職交比效力紅魔鬼時間長耐嘅老將卡域克。雖然卡域克今季貴為紅魔隊長,但係畢竟佢已經36歲,體能上可能已經有啲跟唔上,所以今季佢只係喺聯賽盃上陣左1場而已。對於摩帥黎講,卡域克已經唔喺球隊嘅未來計劃入面,相信好快佢亦可能會步朗尼後塵離隊。

卡域克今夏同紅魔簽下一份1年期嘅合同,因此明年夏天佢嘅合同將會再一次到期,由於目前曼聯中場人才濟濟,好似有普巴、安達靴里拉、馬迪、費蘭尼等,所以以目前卡域克嘅競技狀態好難同呢班當打嘅球員一爭位置,而卡域克又唔想安於現狀,可能會離隊尋求更多嘅上陣機會。
雖然今季無乜機會上陣,但係有唔少球隊仍然對卡域克有興趣,其中就包括李斯特城、維拉及西布朗,呢三支球隊一直都觀察緊卡域克嘅情況,如果有機會佢地都希望可以將呢位曼聯隊長帶入陣中。
11年前,當時效力熱刺嘅卡域克被費格遜相中,以1800萬鎊轉會費加盟曼聯,其後一直效力至今,目前已經為紅魔上陣460場比賽,並為球隊贏下多個錦標,包括:5次英超冠軍、1次歐聯冠軍、1次足總盃冠軍、3次聯賽盃冠軍、6次社區盾、1次歐霸盃冠軍、1次世冠盃冠軍。
如今嘅卡域克喺曼聯雖然無用武之地,但係其實佢嘅技術猶在,特別係長傳以及遠術仍然係頂級的,所以如果佢能夠加入英超其他中下游球隊,預計佢將會獲得更多上陣嘅機會,球隊亦會看重佢嘅技術,因此只要卡域克嘅鬥心仲喺度,不妨出走為自己職業生涯晚年發出最後嘅餘溫。
為慶祝PlayStation問世30周年,官方近日特別推出紀念網頁,由PS1開始介紹各代PlayStation遊戲機功能特色及銷售表現,正式宣布叱咤一時嘅PS2累計銷量突破1.6億部,穩坐史上最暢銷遊戲機寶座。唔知Nintendo Switch停產 ...
hobby
【電玩】穩坐史上最暢銷遊戲機寶座!Sony正式宣布PS2銷量突破1.6億部
29 Nov 2024
瓣數多多又熱愛打機嘅Elon Musk,昨晚突然宣布旗下xAI將成立一間AI遊戲工作室,揚言要「Make games great again」,正式跨足遊戲產業。 億萬富豪Elon Musk除咗名下有多間公司,同時亦係一位忠實機迷,周 ...
hobby
【電玩】Elon Musk不滿遊戲廠商愛說教 宣布成立AI遊戲工作室揚言「Make games great again」
28 Nov 2024