【快到無影】韓國選手3x3扭計骰破世界紀錄！

文：MenClub 波特先生　　圖：互聯網
POSTED ON 02 Nov 2017

相信唔少朋友都一定接觸過扭計骰，就算無自己玩，都總會有朋友曾經係你面前玩，甚至表演比你睇。對於你黎講，要扭好一個扭計骰可能係一世都做唔到嘅事，但係事實上有一班扭計骰狂人扭好一個扭計骰唔使1分鐘，甚至高手中嘅高手只係需要幾秒。而近日就有一位黎自韓國嘅選手打破左最快完成3x3扭計骰嘅世界紀錄！

由世界扭計骰協會舉辦嘅ChicaGhosts 2017近日喺美國芝加哥舉行，其中一位黎自韓國23歲嘅選手以超高速扭動手上嘅3x3扭計骰，最終佢只係用左4.591秒就成功還完，呢個時間令佢成功打破世界紀錄，而睇到佢嘅表情佢自己都唔相信會咁快，其後身邊嘅人都過黎同佢擊掌慶祝。

而此前3x3扭計骰嘅紀錄係一位15歲美國少年喺今年9月創下嘅，時間為4.693秒，今次呢位韓國青年一口氣將世界紀錄推快左0.1秒，對於分秒之差嘅比賽，呢個絕對唔係一個少數目。

其實3x3扭計骰近年嘅世界紀錄不斷刷新，2007年嘅時候，紀錄還沒有進入10秒內，而最早有紀錄開始係1982年，當時嘅紀錄為19秒，相隔35年後如今紀錄已經快左14秒之多！

睇完呢段破世界紀錄嘅片段之後，你又有無想拎番自己個扭計骰出黎玩下呢？