【安全問題】ISIS當前，再有球迷突破保安擁抱美斯！

文：MenClub 波特先生　　圖：互聯網
POSTED ON 02 Nov 2017

2018年俄羅斯世界盃出年就係，而近日恐佈組織ISIS先後發佈唔同有關將會攻擊世界盃嘅相片，擺明車馬挑戰俄羅斯。對於恐佈主義嘅挑釁，相信俄羅斯唔會坐以待斃，佢地一定會盡力佈下安全網，以報球員及球迷嘅安全。

不過，就喺恐佈主義繼續升溫嘅同時，球場保安嘅問題卻時不時出現，其中岩岩嘅歐聯賽事：巴塞隆拿vs奧林比亞高斯，就再有球迷突破保安成功跑入球場攬住美斯。

對於球迷嘅突襲，美斯其實已經見怪不怪，所以當個位球迷跑到佢面前攬實佢，美斯其實無特別大嘅反應去阻止或避開。而當個位球迷攬完美斯之後，亦乖乖咁跑離球場。

雖然呢種瘋狂球迷真係屢見不鮮，但係當恐佈主義越黎越明目張膽嘅時候，球場保安仲可唔可以咁輕鬆比球迷接觸到球星呢？如果個位球迷其實係諗住自殺式襲擊，咁相信美斯其實唔死都一定重傷。

為左保護呢班球星，球場保安必定要時時刻刻打醒十二分精神，去避免球迷衝入球場，而現時嘅大環境球場嘅保安理應進一步加強，以免未來會發生我地最唔想見到嘅事情。