2018年俄羅斯世界盃官方專用足球出爐？！

文：MenClub 波特先生　　圖：互聯網
POSTED ON 03 Nov 2017

距離2018年俄羅斯世界盃決賽週展開，你話近又唔係好近，遠又唔係，大慨仲有8個月時間，而球迷們宜家最關心嘅相信就係接落黎嘅附加賽，同埋決賽週小組嘅抽籤情況。不過其實除左呢啲主要事項之外，明年世界盃仲有其他野值得你去留意的，其中就包括全新嘅官方專用足球啦。

近日，世界盃官方開始洩漏部份賽事重要資料，其中包括賽事嘅大會專用足球 - Adidas Telstar 18。今次呢個專用球外表設計有別於以往幾屆咁色彩繽紛，甚至可以話反其道而行，回歸以70年代嘅黑白色造形亮相，而球上面則印有2018年俄羅斯世界盃嘅標誌。

與上一代嘅世界盃官方專用球一樣，今次Telstar 18同樣由6塊皮以無縫結合粘埋一齊，同時球身上具有獨特嘅3-D紋理，令球員喺控球或門將接球時有更好嘅觸感，唔知一班擅於控球嘅球員會唔會黎緊表現得更好呢？

唔知你又最鍾意邊一屆嘅大會專用球呢？

2018年世界盃決賽週揭幕戰將會喺俄羅斯時間6月14日18：00舉行，亦即係香港時間同日嘅23：00，屆時主辦國俄羅斯將會出戰。