【傷患困擾】「泥地王」拿度能健康參加年終賽嗎？

文：MenClub 波特先生　　圖：互聯網
POSTED ON 07 Nov 2017

岩岩結束嘅巴黎大師賽，作為種子球手嘅「泥地王」拿度因傷喺8強宣佈退賽，賽後拿度對受傷位置進行左掃瞄，發現其傷勢並無進一步加重。

經檢查後，拿度證實只係肌腱一直有損傷，而今年佢也左非常多嘅比賽，所以他嘅肌腱一直磨損，但係好彩嘅係情況並無惡化，預計有適當嘅休息，佢仍然可以以今年嘅最佳狀態參加年終賽的。

而對於今次宣佈退賽，拿度已經向巴黎大師賽賽會方面道歉左10次，而其對手Filip Krajinovic則不戰而勝晉身4強，不過較為可惜嘅係成功殺入決賽嘅佢未能把握機會僅拿下賽事亞軍。

而球迷對於拿度退賽則大多表示支持，因為佢地都認為無野比其健康更重要，而拿度今年亦已經度過左精彩嘅一年，所以佢理應做好治療並好好休息，以最佳狀態參戰喺倫敦舉行嘅年終賽。

另外，亦有球迷表示拿度嘅健康係最重要的，佢希望「泥地王」可以有更長嘅球員生涯，而當佢感到痛苦嘅時候就果斷退賽吧。

喺巴黎大師賽開始前，拿度最大嘅勁敵費達拿宣佈退賽，其後贏下第一場賽事後拿度已經穩奪2017年嘅年終第一寶座，而呢一次係拿度生涯第4次奪得呢個榮譽。

2017年年終賽將會喺11月12日舉行，因此希望拿度可以盡快處理好傷勢，並挑戰生涯首奪賽事冠軍！