【最強C7】33歲C朗拿度超高效入球率破紀錄！

文：MenClub 波特先生　　圖：互聯網
POSTED ON 10 Apr 2018

皇馬球星C朗拿度作為世界最出色嘅球員之一，今季季初陷入前所未見嘅低谷，入球罕有地少，最終導致皇馬早早就已經喪失爭奪西甲聯賽嘅機會。雖然係咁，好彩C朗成功調整狀態，進入2018年後佢嘅狀態完全係達到同期前所未見嘅高度，其入球完全係停不了！

喺西甲同馬體會踢成1：1平手嘅賽事入面，C朗又再次入球，佢喺2018年起計參加左嘅15場比賽入面，一共攻入24球，場均可以貢獻1.6球咁多，相比以往嘅佢呢一刻佢嘅入球係歷史最多的！

睇番過去嘅數據，C朗上季同期參加左17場比賽攻入左10球(場均0.59球)；2016年同期：17場17球(場均1球)；2015年同期：17場16球(場均0.94球)；2014年同期：20場18球(場均0.9球)；2013年同期：20場23球(場均1.15球)；2012年同期：23場24球(場均1.04球)；2011年同期：18場13球(場均0.72球)；2010年同期：15場12球(場均0.8球)。

另外，如果單計過去10場比賽，C朗則攻入20球，亦即係場均達到2球，呢個數字實在係非常恐佈！而綜合今季，C朗已經攻入40球，比美斯仲要多入1球，係歐洲4大聯賽入面入球最多嘅球員！

如今，皇馬喺西甲已經無左爭冠嘅壓力，佢地可以將全副心機放喺歐聯上，同樣C朗亦都可以將所有體力留喺歐聯，作為最強嘅入球機器，佢連倒掛都可以輕鬆完成，真係無咩技術係佢唔能夠運用黎入球，咁樣佢地實現歐聯三連冠嘅霸業絕對不是夢！