上次篇文出完有Gentlemen問點解要叫「首波」預告，個原因咪就係連爛鬼三流製作都出到兩條預告嘅今時今日，《復仇者聯盟》呢啲荷里活猛片(仲要下年5月先上)又點會淨係得一條呢？嗰頭啱啱J完條「首波預告」，轉個頭佢就已經整條加長版出黎啦！

今次多咗大概一分鐘的內容，首先印證了我上次估計的「慶功宴」埸口，然後見到Iron Man、美國隊長等人嘗試拎雷神Thor個槌「Mjolnir」。大家都知道個槌係要「被選中嘅小朋友」先拎得起，所以就算Tony Stark加埋套甲佢都不能移動分毫。反而美國隊長能夠令個槌稍為移動就連Thor都意想不到(但有睇漫畫的Fans就心中有數)。

然後見到Thor再次拎起個槌，講咗一句：「好簡單，就是你們不值得。」然後破爛Ultron出場，跟住就同第一條預告一樣。