三日三餐壽司碧咸父子去日本食咩？

文：MenClub 魏文青　　
POSTED ON 25 May 2018

去日本食壽司對好多人黎講都係好平常嘅事，但如果去食壽司嘅係碧咸同佢大公子布魯克林(Brooklyn)，咁成件事就好唔同。早幾日先喺哈里王子大婚型盡全場嘅「咸爺」近日就帶埋Brooklyn一齊去咗日本旅行，當然食咗唔少好嘢，而憑佢哋喺IG上嘅照片，睇黎佢哋好鍾意食壽司喎。
bb（@brooklynbeckham）分享的貼文於 PDT 2018 年 5月月 22 日上午 4:01 張貼
首先佢哋去咗由「壽司之神」小野二郎主理嘅十年米芝蓮三星餐廳「數寄屋橋次郎」，據Brooklyn於IG上講，咸爺之前就已經應承過佢會帶佢黎食，而佢食完亦話呢餐係佢食過最「Amazing」嘅晚餐。二人仲同小野二郎合照。
bb（@brooklynbeckham）分享的貼文於 PDT 2018 年 5月月 22 日下午 10:13 張貼
bb（@brooklynbeckham）分享的貼文於 PDT 2018 年 5月月 22 日下午 10:10 張貼
第二日(睇佢哋換咗衫估嘅)佢哋又再去食壽司，不過今次就去到南青山嘅米芝蓮二星「海味」，由充滿娛樂性嘅中村龍次郎師父為佢嘅炮製壽司。咸爺本人就將兩餐合做一張相，話係「與兒子食過唔會忘記嘅兩餐」！
David Beckham（@davidbeckham）分享的貼文於 PDT 2018 年 5月月 23 日上午 2:55 張貼
你以為食咗兩餐好嘢佢哋就夠？你太唔了解咸爺父子，因為第三日佢哋去咗香港旅遊書必有嘅築地「大和壽司」。我唔知咸爺會唔會同我哋一樣排隊入去，但下次我哋去就可以同人講「咸爺黎東京都係食呢啲架咋！」
bb（@brooklynbeckham）分享的貼文於 PDT 2018 年 5月月 23 日下午 4:05 張貼
咁佢哋都唔係淨係食壽司嘅，後來佢仲去咗西麻布嘅「Wagyu Mafia」食海膽和牛，真係睇到都想食呀。
bb（@brooklynbeckham）分享的貼文於 PDT 2018 年 5月月 23 日上午 7:19 張貼
嗱，咸爺同Brooklyn去到日本就係食呢啲架啦。唔知你下次去又有冇諗住照板煮碗食一次？