正所謂出得黎行預左要還，如果當日你有風駛盡艃，唔識今日留一線嘅話，咁樣真係條路自己揀 _ _唔好喊啦！而呢一句說話，真係好岩送比德國隊，因為當呢支衛冕冠軍今屆世界盃出局後，世界各地嘅人都對佢地冷嘲熱諷一番。

作為世界排名第一，又係上屆世界盃冠軍得主，德國今屆被分得與墨西哥、瑞典及南韓一組，賽前德國都被認定出線絕對無問題，甚至被評為奪標熱門之一。不過，最終佢地小組賽第一場就輸比墨西哥，第三場更輸比南韓2:0，最終以小組包尾嘅身份提早結束世盃之旅。

賽後，有巴西媒體就即時出黎對德國隊嘲笑一番，其中當然係因為上屆巴西以1:7恥辱性輸比德國。而另外慶祝2017年到黎嘅時候，德國中場大將卻奧斯竟然拎呢場大勝黎玩，佢喺網上將2017當中嘅「1」同「7」兩個數字換成巴西及德國嘅國旗，對此令作為巴西球員嘅馬些路、卡斯米路等隊友感到難堪。

pic.twitter.com/m8nE0yAwsP

— Toni Kroos (@ToniKroos) 2016年12月31日

為左報復卻奧斯當日玩笑式嘅嘲諷，有巴西媒體就回復當日卻奧斯嘅留言，並祝番佢2018年快樂，而當中「2」及「0」就換成韓國及德國國旗。呢次報復卻奧斯真係唔怨得人，贏波仲要咁樣串人，真係要預左有還嘅一日。

Feliz 18! https://t.co/TxhI07N27v

— LANCE! (@lancenet) 2018年6月27日

另外，今屆德國與瑞典嘅比賽，德國隊憑住卻奧斯嘅罰球絕殺對手，而賽後德國嘅教練團竟然向瑞典後備席鼓掌挑釁，導致雙方發生衝突，呢一個行為亦令唔少人非常討厭德國，所以當德國隊小組出局後可以話大快人心。