五屆金球獎得主C朗拿度除左球技吸引人之外，其俏嘅面孔加上完美嘅身型，令佢成為唔少人心目中嘅完美偶像。不過，亦因為要保持完美嘅外型，所以C朗每次出黎見人都花上唔少時間執下個Look，因此換黎外界對佢過份在意外表嘅批評。

而近日，呢位祖雲達斯射手就接受媒體訪問，佢被問到是否鍾意喺大型活動中特別花時間去打扮。33歲嘅C朗回應：「不是的，我相信自己並不是對外表很痴迷，因為我本來就已經夠型夠帥了。」講完呢句之後，C朗大笑起來，並加一句：「我講笑咋！」

「我認為一切睇起黎、聞起黎都要很好的，這不是只限於在女人身上。」

「女士們都鍾意睇見你著得好，好似我女朋友、媽媽、姐姐，所有在我身邊嘅人都鍾意見到人著得得體的。」

「無論男士或女士，這是我們文化嘅一份部份。這樣很好，但並不是一種痴迷，在我睇黎留意細節會做成不同的結果。」

睇番C朗每逢公開露面嘅時候，唔係話佢一定會西裝骨骨，但都一定非常整齊型格，而正因為咁佢先咁吸引人。一眾男Fans，聽到C朗咁講，記住以後出得街都唔好太求其啦，因為係女人都鍾意人整潔，如果可以諗下點著配搭下，話唔定會有意想不到嘅驚喜。