多羅羅（どろろ）係日本漫畫家手塚治虫所畫嘅經典奇幻冒險漫畫，講述一位名叫百鬼丸嘅男仔，因為父親夢想稱霸亂世，於是同48隻魔神做出約定，將百鬼丸嘅身體分為48個部份，畀魔神帶走。所以百鬼丸為咗拎返自己嘅身體器官便出發討伐魔神，途中遇上小偷多羅羅，展開與妖怪戰鬥嘅冒險。

而之前其實已經有聽聞《多羅羅》會出動畫版，但一路都未有最新消息，到最近，官方終於正式公開主視覺圖同埋第一彈PV！並預定《多羅羅》動畫版將於2019年1月播出！

今次《多羅羅》動畫版會由古橋一浩擔任監督、小林靖子負責劇本統籌、淺田弘幸負責角色企劃、岩瀧智負責角色設計，相信呢個組合都會令人非常放心！一齊欣賞下個PV先啦！