在球場上除左技術之外，球品亦都非常重要，否則即使你贏得比賽，你都贏唔到球迷嘅心。而日前一場國際友誼賽，被車路士外借至南特嘅美國隊中堅美亞斯加，竟然完全將體育精神及球品棄之不顧，令球迷們非常不齒。

較早前美國vs墨西哥嘅友誼賽，憑住中場Tyler嘅入球，美國隊以1:0擊敗對手。不過，喺比賽下半場雙方卻發生衝突，事源係墨西哥中場Lainez想搶美亞斯加個波，但就拉人犯規，球證吹罰後雙方有言語上嘅衝突，其後美亞斯加竟然嘲笑起對方嘅身高。

美亞斯加身高為1.93m，而Lainez則只有1.67m，雙方身高足足相差26cm，所以美亞斯加就友定用身高黎攻擊Lainez報仇，其後雖然Lainez已經行遠，但係美亞斯加卻唔肯收手，竟然繼續扮因為對方太矮而睇佢唔到，最終有墨西哥球員忍唔住衝過去與其推撞。

作為一個男人，咁樣嘲笑對方身高未免太小學雞，雖然對方對你犯規可能唔岩，但係咁樣實在係太無品了。