相信有戴開隱形眼鏡嘅你，絕大部份都一定知道要經常保持隱形眼鏡清潔，切忌無洗就戴入眼，否則對眼輕則發炎，重則生蟲失明。不過都知道好多人都懶會唔記得洗，又或者有陣時戴得太耐對Con會太乾，咁點算呢？睇下紐約人球員Ron Baker幫唔幫到你。

話說近日NBA季前熱身賽開打，紐約人球員Ron Baker有機會上陣，但佢就唔好彩喺比賽期間被撞跌左隻Con，正常黎講就梗係要洗下隻Con清潔下，增加番啲濕潤先戴番入眼，但係現場就缺少左洗Con水。而Baker呢個時候人急智生，竟然將隻Con放入口用口水洗洗隻Con，呢個舉動當然同時可以令到隻Con濕潤啲，你話佢係咪醒先？

最後，Baker吐番隻Con出黎，嘗試將佢戴番上左眼，之但係就未能成功，真係非常可惜，浪費左佢呢一次嘅急才。

下次如果你真係無洗Con水喺身，不妨參考一下Baker嘅方法啦！