「比賽一日未完結都未知結果如何」呢句說話相信大家都一定耳熟能詳，但係歷史總係不斷重複。而近日，英國現代五項運動員Jamie Cooke就教識法國選手Valentin Prades呢個永遠唔會變嘅道理。

較早前一場現代五項嘅跑步賽事，法國選手Prades喺最後50米衝剌階段一直領先，眼見終點在望而領先優勢不少嘅情況下，佢早早已經興奮振臂慶祝。不過，一直喺後面嘅Cooke並無放棄，佢傾盡全力逐步收窄距離，最終就係臨衝線一刻成功反超Prades！

可憐嘅Prades衝線一刻仲雙手高舉以為自己贏左，點知卻被Cooke以0.03秒之差反勝為敗，真係「臨天光瀨尿」。

而成功反超奪得賽跑項目第一嘅Cooke，最終順利奪得賽事金牌，並成為英國25年內首為現代五項嘅世界冠軍！

令Cooke喺最後階段唔放棄搏盡嘅原因，係因為佢嘅爺爺喺比賽前一週離世，所以佢完全係為左爺爺所以咬緊牙關戰至最後1秒，相信佢嘅爺爺見到Cooke奪金一定相當安慰。