唔少MMA迷期待已久嘅一場賽事UFC229 McGregor vs Khabib，即將喺黎緊香港時間星期日朝早舉行！而賽前一如以往雙方都會舉行賽前記者發佈會，而把口一向唔收嘅McGregor當然憑住一張利嘴先聲奪人，甚至揚言可以輕鬆KO對手。

對於擁有以前McGregor都有過嘅金腰帶，同時至今未曾輸過嘅「戰鬥民族」Khabib，McGregor一黎就已經大放厥詞：「壓倒性KO！太容易打中他了、太易預測他，我會輕鬆解決佢！」

而最識做Show嘅McGregor唔單只用把口，亦都喺記者會上進行左一次訓練，當中包括對打訓練及一啲熱身動作，可以睇到McGregor嘅動作仍然係相當敏捷，但略嫌力度不夠。

黎緊兩位選手將會再次進行同場嘅記者會，唔知到時Khabib會唔會又被McGregor嘅口水噴到濕晒呢？