英超排首大戰：曼城vs利物浦，雙方全場互有攻守，但因為雙方嘅後防都表現出色，導致未有入球產生。不過，就喺比賽接近完結前，曼城獲得一次12碼機會，但最終馬列斯竟然一射衝天，令曼城錯失全取3分嘅機會。

就喺比賽去到83分鐘，後備入替嘅辛尼成功博得12碼，而隨即站上12碼點準備主罰嘅係巴西射手捷西斯，但係突然馬列斯從旁走去同捷西斯示意佢將主射呢一球12碼，捷西斯得知後亦感到無奈，其表情完全係「無眼睇」嘅感覺。

結果馬列斯左腳一射，個波越楣而過，曼城就係咁錯失入球嘅機會，雙方最終亦以0:0收場。

賽後曼城領隊哥迪奧拿承認係佢要求馬列斯主射12碼的，因為佢見平時訓練時其12碼表現出色。不過馬列斯卻唔同意哥帥嘅說法，佢指射12碼係自己嘅主意，所以亦都可以話係佢從拿西斯腳下爭走呢一次主罰12碼嘅機會。

不過其實睇番數據，馬列斯射失呢一球12碼前曾5次主罰12碼，但最終只係射入2球，命中率只有40％，而加埋岩岩呢一球，馬列斯12碼已經變成6射2中，命中率僅有33.3%。