《星球大戰》系列有幾經典，各位Gentlemen一定清楚。無論你鍾意嘅係Luke Skywalker 、Han Solo定黑武士的四、五、六集，定係除咗Natalie Portman之外所有人都講唔出名的前傳一、二、三集，你都一定會好期待由J.J Abrams重新打造的星戰第七集。

作為劃時代的經典科幻史詩巨製，星戰頭六集固然充滿創新性，但若果單論劇情，就略嫌節奏太慢，未夠緊張刺激。《星球大戰7:原力覺醒 (Star Wars: The Force Awakens)》的導演J.J. Abrams近年成功將同樣是科幻巨著《Star Trek (星空奇遇記)》改造成充滿動感和緊張場面的新面孔，在他手下的《星戰七》亦秉承呢個良好傳統。單憑以下呢一條預告，除咗比起之前的星戰多了兩分「人性」，更莫名地多咗幾分緊張，感覺成件事背後有一個重大陰謀(J.J. Abrams一貫的風格)。

畫面一開始就見到應該是白兵的John Boyea流落沙漠

不知被誰追捕中的Daisy Ridley

轉頭Oscar Issac駕駛X-Wing劃過水面

Adam Driver飾演的新奸角在樹林登場，仲見到新型光劍！

然後就係好耐冇見嘅「千年鷹！」，不過就見唔到由「福伯」夏里遜福飾演的Han Solo。

故事設定喺《星戰六》之後三十年，除咗福伯，當年的Luke Skywalker (天行者路克) Mark Hamill和Princess Leia(莉亞公主) Carrie Fisher都有份參演!係咪即刻好期待呢！放心，好快有得睇啦！12月！

不過係2015年12月……