運動漫畫神作《男兒當入樽》自從1996年湘北擊敗最強山王，及後不敵愛和學院出局之後，故事就在此完結了。雖然之後有《十日後》流出，但時間點仍然停留在高中階段，究竟一眾角色之後嘅發展係點，Fans一定好想知道。

雖則井上老師應該唔會再畫《入樽》嘅後續，但係仍然有唔少Fans想為故事延續落去。近日網上就有畫家畫出《男兒當入樽》角色十年後嘅樣子，究竟佢地會變成點？

10年後，各個角色理論上都已經完成學業，如果佢地仍然選擇籃球路，咁樣佢地就會成為一名職業球員。喺呢位畫家手下，《入樽》角色當中有兩名球員成功打入NBA，而有一位就進入歐洲聯賽，其餘球員則留喺日本聯賽當中效力，大家一齊黎睇下！

主角櫻木花道竟然進入公牛隊！只可以講如果佢真係可以進入NBA，靠嘅一定係逆天嘅運動能力及搶籃板能力，定還是佢繼續以驚人嘅速度進化，真真正正成為一名「天才」？！

另一位可以進入NBA嘅球員係山王工業嘅王牌澤北榮治，作為《入樽》整套漫畫入面算得上係No.1嘅球員，佢絕對係有能力加入NBA的，而佢效力嘅球隊係塞爾特人！

而山王嘅另一王牌球員河田雅史則到了西班牙聯賽嘅巴塞隆拿效力，其全能嘅打法令佢成為《入樽》當中最強的內線。

作為主角隊湘北嘅王牌，流川楓喺故事結尾已經說明佢成功進入日本隊，所以今次畫家亦將流川配以日本隊波衫。

三井

宮城

赤木

四眼哥哥

晴子小姐

彩子

仙道

牧

滕真

神

森重寬

福頭

花形

清田