每年聖誕沙田新城市廣場嘅空中花園都會有特別的聖誕燈飾，去年嘅「星光花園」吸引絡繹人潮，成為聖誕亮點之一。今年沙田新城市廣場又有新搞作，作出前所未有的突破，就係香港首個透明星夜迷宮。

新城市廣場特意邀請被譽為世界第一、舉世知名的「迷宮創造神匠」Adrian Fisher團隊首次為香港創造「星夜迷宮」，並由著名德國燈飾建築師Ben Busche巧建光影佈置，一齊快閃一下先睹為快啦！

Adrian Fisher團隊擁有「迷宮創造神匠」嘅稱號，係因為佢哋已經有35年創造迷宮嘅經驗，過去創造出600個大大小小嘅迷宮，並遍佈全球30個國家。無論係透明幕牆式迷宮，定係植物景觀迷宮，都係Adrian Fisher團隊擅長嘅項目。而Adrian Fisher團隊至今已打破6項世界紀錄及屢獲國際獎項，「迷宮創造神匠」之名實在當之無愧。

Adrian Fisher團隊其中一位成員Ian Bell表示，今次Adrian Fisher團隊設計了全港首個佔地8000呎嘅「星夜迷宮」，迷宮由超過400塊透明幕牆組成，劃分出迷宮迂迴曲折的空間。是次所設計嘅迷宮更有移動特性，有3款深淺度不同的迷陣隨時更替，令迷宮內的佈局更縱橫交錯，難以掌握。

另外新城市廣場亦請來了燈飾建築師Ben Busche為空中花園及「星夜迷宮」設計燈飾。Ben Busche屢獲法國及德國政府邀請建構戶外聖誕燈飾裝置，是次為新城市廣場的設計便用了LED燈長春藤式花串裝置，營造一片花海的感覺。

新城市廣場[a"MAZE"ing Chrustmas]晝日．星夜迷宮@星光花園

日期︰即日起至2015年1月31日

時間︰中午12時至晚上10時(12月2日至1月4日逢星期五、六、日及公眾假期將延長至晚上11時)

地點︰新城市廣場1期7樓戶外星光花園

入場費︰免費