英格蘭球星朗尼喺去年12月16日，因醉酒鬧事被美國警方拘捕，而事件日前終於曝光。

目前效力美職聯球隊DC United嘅朗尼，因喺飛機上醉酒鬧人，最終喺飛機飛抵華盛頓機場後被捕，並分別被罰款25美元及91美元。

朗尼嘅罰款喺岩岩嘅週星支付，因此本來於1月24日嘅法庭聽證會將被取消。

而其發言人表示，朗尼因喺飛機上食左安眠藥，同時又飲左含酒精嘅飲品，所以先會導致佢精智不清。

現年33歲嘅朗尼今季加盟DC United表現出色，上陣20場攻入12球，助球隊殺入季後賽，可惜球隊喺淘汰賽首輪就已經出局，提早完成賽季。

其實今次已經唔係朗尼第一次因酒精出事，喺2017年9月嘅時候就曾經因醉酒架駛被捕，最終被罰停牌2年，兼需要執行社會服務令。