相信有睇開曼聯門將迪基亞嘅球迷都知道，呢位門將嘅反應及表現經常都係「紅魔鬼」最佳的，同時佢亦多次憑住撲救拯救曼聯。而尋日與熱刺一戰，迪基亞再一次天神下凡，接近憑住一已之力令曼聯全取3分。

尋日曼聯與熱刺一戰，迪基亞繼續交出天神般嘅表現，佢下半場交出11次撲救，刷新佢自己嘅紀錄，同時亦都係今季英超單場撲救次數最多嘅門將。更重要嘅係，憑住迪基亞超越人類嘅撲救下，曼聯全場力保不失一球，加上拉舒福特嘅入球，曼聯成功以1:0小勝熱刺。

再細睇今場迪基亞嘅撲救，佢一共救左：

-卡尼4球

-迪利阿里3球

-艾歷臣1球

-孫興慜1球

-路蘭迪1球

-艾達韋列特1球

而家講緊嘅唔係啲無關痛癢嘅攻門，係的的確確對方係有機會入球嘅攻門，其中包括多記近門施射，但都一一被迪基亞飛身、腳擋逐一化解，當今世界最佳門將迪基亞絕對係第一人選。