2019年賀歲盃將於大年初一及初三上演，今年賽事由飛馬班主羅傑承負責統籌主辦，並成功邀請三支外隊來港作賽，佢地包括：J-League的鳥栖砂岩、中超的山東魯能、紐西蘭的奧克蘭城，計埋香港賀歲盃選手隊，4支球隊將進行淘汰賽。

雖然可能你會覺得今次三支外隊並唔係好吸引，但其實細睇你就會發現，鳥栖砂岩陣中竟有一位巨星，佢就係人稱「王子」嘅費蘭度托利斯啦！

相信作為球迷嘅你，對於費托一定唔會陌生，呢位現年34歲嘅西班牙射手，係西甲球隊馬體會嘅傳奇射手，生涯亦都曾效力利物浦、車路士及AC米蘭三支大球會。2018年7月，費托離開馬體會，轉戰J-League加盟鳥栖砂岩，因此今次成功邀得鳥栖砂岩來港，亦代表費托將會隨隊來港。

而為免大家擔心費托最終會否真係隨行來港，大會亦專登搵費托拍左一條段片，表示佢真係會隨隊來港進行比賽的，各位球迷有福啦！

當然除左費托之外，作為香港人嘅你就梗係要入場支持香港隊啦！

「通海金融賀歲盃2019」賽事資料：
參賽球隊：香港賀歲盃選手隊、鳥栖砂岩（日職）、山東魯能（中超）、奧克蘭城（紐西蘭）
地點：香港大球場

2月5日（大年初一）16︰00 山東魯能vs奧克蘭城、18︰15 香港賀歲盃選手隊vs鳥栖砂岩
2月7日（大年初三）16︰00 季軍戰、18︰15 冠軍戰

票價（兩日四場套票）：480元（劃位）、280元、180元（特惠票）
1月18日起於Cityline及購票通售票處（通利琴行及麥花臣場館）發售