日前，巴黎聖日耳門與史特拉斯堡一戰，憑住卡雲尼及迪馬利亞各入一球，PSG以2:0擊敗對手。不過，比賽中PSG主將尼馬不幸受傷，情況並唔樂觀，隨時又要抖一段長時間，但呢一切卻係佢自己換來的。

在與史特拉斯堡一戰中，尼馬多次利用自己嘅技術去做假動作及過人，但其實佢嘅動作都極具挑釁性，其中包括一記彩虹過人，更加係帶有侮辱對手嘅成份。

被挑釁及侮辱下，史特拉斯堡嘅球員當然唔會當睇唔到，佢地全場追住尼馬黎踢，基本上係比波過唔比人過，唔跌就踢到你跌。

被史特拉斯堡球員連環踢，尼馬當刻其實都無真係受傷，但最終過左2分鐘後，尼馬受傷倒地，最終經檢查後發現右腳第五跖骨受傷，離場時呢位射手疑似難過到喊，而官方表示佢短時間內將無法上陣，判定為無限期休戰。

對於尼馬被踢及最終受傷，史特拉斯堡教練表示：「當你嘅做法越過底線，那就要承擔後果，後果就係挨踢。我理解我嘅球員，佢地厭煩被對方球員睇唔起，厭煩被對方球員戲耍。我希望球員被保護，但一切都有底線。總係背後傳球，咁就係戲弄別人。我要我嘅球員們踢尼馬爾？我無咁吩咐過。」