美斯近10年已經成為西甲班霸巴塞隆拿嘅頭號球星，甚至佢已經係與C朗拿度並列世界最出色嘅球員。在美斯嘅帶領下，巴塞隆拿基本上壟斷西甲聯賽冠軍，佢已經為巴塞帶黎9個聯賽冠軍，另外仲有4座歐冠盃冠軍、6個國班盃冠軍、三個世冠盃冠軍等等。

擁有美斯，代表巴塞隆拿擁有無數冠軍獎盃。但你又有無諗過，如果當日美斯加盟嘅唔係巴塞隆拿而係皇馬，歷史又會點呢？

據現年75歲嘅前皇馬主席Lorenzo Sanz日前接受訪問時透露，原來皇馬當日係有機會簽下仲未與巴塞簽約嘅美斯的。

Sanz表示：「現時阿辛斯奧嘅經理人，就係當日將美斯帶來西班牙個一位。」

「父母告訴美斯，佢必須要到西班牙，唯獨係唔知到加盟巴塞隆拿，還是皇家馬德里。」

「父母向經理人表示將佢帶到其中一隊都可以，最終美斯加盟巴塞隆拿。」

就係咁，2000年嘅時候經理人將美斯帶到前巴塞隆拿技術總監面前，雙方喺一家網球球會當中達成協議，而協議更加只係寫喺一張餐巾上，最終美斯因此踏上了效力巴塞隆拿嘅生涯。

如果當日美斯加盟嘅係皇馬，按照佢2004-05球季正式成為一隊球員，當時嘅皇馬正處於6條A嘅時代，係崇尚巨星足球，所以年輕嘅美斯可能只係獲得極少上陣嘅機會。而到2006-07球季係美斯開始巴塞正選生涯嘅一季，而當時嘅皇馬則仍然擁有住朗拿度、雲尼斯達萊、魯爾等佢星，相信美斯要獲得正選基乎無可能，所以結果可能就係一粒超新星就咁被外借開去，並慢慢消逝。