之前BANDAI搶先公布，下年30周年嘅《聖鬥士星矢》，喺春季又會有個叫做「黃金魂」嘅新project，雖然大家都估到係新原創動畫，但點都要等官方證實嘅。好喇，啱啱官方終於正式發表咗《聖鬥士星矢　黃金魂》動畫嘅promotion video，確認咗成件事，仲有多少少動畫內容流出添。

據講，原來故仔時間係同《冥王十二宮篇》一樣，但主角換咗係獅子座艾奧里亞。即係點？好可能又係玩平行時空，飛走五小強之後，由獅子座擔大旗打冥王軍！Well，就算敵人一樣，主角轉咗都總算叫有新意嘅，起碼班黃金聖鬥士一定有比打爆嘆息之牆更壯烈嘅死法先，夠熱血嘅話，fans都可能照buy㗎！話晒係主角，今鋪獅子座唔會俾賴毛蟲怪咁易綁住唔郁得咁失威啩。

另外，promotion video入面有個shot影住雅典娜流血，即係進一步肯定嗰件有翼嘅獅子座黃金聖衣，真係神聖衣嚟。好心你班hihi畀雅典娜抖吓啦！