《鬼滅之刃》（日語：鬼滅の刃）係由日本漫畫家「吾峠呼世晴」所創作嘅少年漫畫作品，於《週刊少年Jump》2016年11號開始連載。《鬼滅之刃》故事內容係講述︰日本大正時期，一位名叫竈門炭治郎嘅平凡農家少年，喺父親過世後，為咗照顧母親同一群年幼弟妹，於是靠賣炭勉強維持全家人嘅生計。原本一直認為呢種平凡而幸福嘅日子會永遠持續落去嘅炭治郎，卻喺某一日賣完炭回家後，發現佢嘅家人都因為不明原因被屠殺，唯獨長女禰豆子似乎仲存活着，然而禰豆子嘅樣又好似同平時唔太一樣。為咗尋求拯救妹妹嘅方法，炭治郎踏上咗斬妖除魔嘅冒險旅程。

早喺2018年5月，官方已經公開《鬼滅之刃》將會改編成動畫嘅消息，並由幽浮社ufotable擔綱製作。最近官方仲釋出第一彈動畫PV，一齊睇過！